Назарбоевнинг жияни Сатибалди Қозоғистонга қарийб $1,4 млрд қайтарди

Қозоғистон Коррупцияга қарши кураш хизмати судланган тадбиркор Қайрат Сатибалди 650 миллиард тенге маблағни давлатга қайтарганини маълум қилди.

Назарбоевнинг жияни Сатибалди Қозоғистонга қарийб $1,4 млрд қайтарди
Sputnik

Коррупцияга қарши кураш хизмати расмий вакили Арман Тлеукановнинг маълум қилишича, Қайрат Сатибалдига нисбатан жиноий йўл билан олинган даромадларни легаллаштириш бўйича 218-модда 3-қисми бўйича судга қадар тергов ишлари якунланган.

«Қайрат Сатибалди жиноий йўл билан олинган маблағлар ва ноқонуний пуллардан фойдаланган ҳолда, жумладан, чет элда турли мулкка эга бўлган, Қозоғистон ва хориждаги банклардан пул олган, бу иш ҳозир судда кўрилмоқда. Солиқ тўлашдан бўйин товлаш бўйича яна бир эпизод қайд этилган бўлиб, мазкур ҳолат юзасидан терговга қадар тергов ҳаракатлари олиб борилмоқда. Янги маълумотлар келиши билан биз оммага маълумот берамиз», — деди Тлеуканов брифингда.

Унинг тушунтиришича, Сатибалдидан тортиб олинган барча мулклар давлатга қайтарилади. Бугунги кунга келиб, давлат даромадига қайтарилган маблағларнинг умумий миқдори 912 млрд тенгени ташкил этмоқда.

Бўлишиш
Юбориш
Твит ёзиш