Kapital Sugʻurta компанияси вақтинча лицензиясиз қолди
Истиқболли лойиҳалар миллий агентлиги Kapital Sugʻurtaʼни жаримага тортди. Суғурта компанияси қонунни бузган.
Kapital Sugʻurta акциядорлик жамияти молиявий ҳисоботи текширилгандан сўнг агентлик томонидан қонун бузилиш ҳолатлари аниқланиб, унга 162 миллион сўм миқдорида жарима белгиланди. Бундан ташқари, Истиқболли лойиҳалар миллий агентлиги қарори билан 2024 йил 11 январдан бошлаб компания лицензияси 10 кун муддатга вақтинча бекор қилинган.
Kapital Sugʻurta АЖ лицензиясининг амал қилишини тўхтатиб туриш даврида янги суғурта (қайта суғурта) шартномаларини тузиш, амалдаги суғурта (қайта суғурта) шартномаларини узайтириш тақиқланади. Ўз навбатида илгари тузилган шартномалари бўйича ўз зиммасига олган мажбуриятларни белгиланган тартибда бажариши шарт.
Добавьте Vzglyad.uz в предпочтительные источники Google. Это бесплатно и занимает 5 секунд, а для нас — лучшая поддержка и мотивация работать ещё лучше.