Венгрия парламенти Конституциявий суд раиси Тамаш Шуйокни республиканинг янги президенти этиб сайлади.
Шуйок номзоди учун 134 депутат овоз берди, беш депутат қарши чиқди.
Шуйок юридик маслаҳатчи, ҳуқуқшунос ва Австриянинг фахрий консули бўлган. У Конституциявий суднинг 10 йиллик аъзоси, 2016 йилдан буён унга раҳбарлик қилиб келмоқда.
10 февраль куни Венгрия президенти Каталин Новак меҳрибонлик уйидаги жинсий зўравонлик ишини яширганликда айбланган эркакнинг авф этилиши билан боғлиқ жанжал ортидан истеъфога чиқишини эълон қилганди.
