Ўзбекистон президентининг фармони билан Акмал Рўзиқулович Жуманазаров Ўзбекистон Техник жиҳатдан тартибга солиш агентлиги (собиқ «Ўзстандарт» агентлиги) директори этиб тайинланди, деб хабар қилди давлат раҳбари матбуот котиби Шерзод Асадов.
Акмал Жуманазаров 2023 йил февралидан буён энергетика вазири ўринбосари лавозимида ишлаб келаётган бўлиб, у электроэнергетика ва кўмир саноати масалалари учун масъул эди.
Техник жиҳатдан тартибга солиш агентлигининг собиқ раҳбари Дилшод Саттаров жорий йилнинг январь ойида бўлиб ўтган йиғилишда президент томонидан ишдан олинган эди. У ўз лавозимида 2018 йилдан бери ишлаб келмоқда. Шавкат Мирзиёев Ўзбекистон сертификатларини тан олиш бўйича ҳеч бир давлат билан келишувга эришилмаганини таъкидлади.
