Тошкент метросида қизга шилқимлик қилган эркак уч суткага қамалди
Тошкент метрополитенининг Чилонзор йўналишидаги «Амир Темур» бекатида эркак нотаниш қизга шилқимлик қилган. Суд уни айбдор деб топиб, 3 сутка қамоқ жазосига ҳукм қилган.
Жиноят ишлари бўйича Мирзо Улуғбек тумани суди шаҳвоний характердаги қилмишда айбланган 34 ёшли эркакка нисбатан маъмурий иш кўриб чиқди.
Иш материалларига кўра, фуқаро М.Т. «Амир Темур» бекатида метро вагонида нотаниш қиз танасининг пастки қисмидан ушлаб олган.
Суд мажлисида эркак бу ишни беихтиёр қилганини, қилмишининг оқибатини тўлиқ англаганини айтиб, суддан жазони енгиллаштиришни сўради.
Суд қарори билан фуқаро М.Т. Маъмурий жавобгарлик тўғрисидаги кодекснинг 41-1-моддаси (Жинсий зўравонлик) билан 3 суткага маъмурий қамоқ жазоси тайинланди.
Добавьте Vzglyad.uz в предпочтительные источники Google. Это бесплатно и занимает 5 секунд, а для нас — лучшая поддержка и мотивация работать ещё лучше.