Ўзбекистонда сув мототранспортининг максимал тезлиги 40 км/соатгача чекланди
Ўзбекистонда скутерлар ва бошқа сув транспорти воситаларининг ҳаракат тезлиги соатига 40 километргача чекланди. 2025 йилдан бошлаб атроф-муҳитни ифлослантирганлик учун ҳар йили компенсация тўловлари ундирилади.
Ўзбекистонда сув мототранспорт воситалари учун максимал тезлик 40 км/соатгача чекланди.
Вазирлар Маҳкамасининг сув транспорти учун рухсат этилган максимал тезликни жорий этиш ва атроф-муҳитни ифлослантирганлик учун компенсация тўловларини назарда тутувчи қарори қабул қилинди.
Қарорга мувофиқ, 2025 йил 1 майдан бошлаб тезликни автоматик пасайтириш ускуналари, ГПС ускуналари билан жиҳозланган ҳамда ГПС-мониторинг ва навигация миллий тизимига уланган сув транспорти воситаларидан (ички ёнув двигателли ва электромоторли) фойдаланишга рухсат берилади.
Сув транспортининг рухсат этилган максимал тезлиги 40 км/соатни, турар-жой массивлари чегараларида тўхташ жойларида тезлик 20 км/соатни, пляжлар ва аҳоли дам олиш жойлари чегараларида эса 5 км/соатни ташкил этади.
2025 йил 1 январдан бошлаб юридик ва жисмоний шахслардан сув транспортидан (электромотор транспортидан ташқари) фойдаланиш натижасида табиий муҳит ифлослантирилганлиги учун ҳар йили қуйидаги миқдорларда компенсация тўловлари ундирилади:
10 БҲМ — моторли қайиқлар ва гидротцикллар учун;
15 БҲМ — катерлар учун;
25 БҲМ — яхталар учун.
Моторли (ички ёнув двигателли) сув транспорти воситалари (шу жумладан, эксплуатация қилинаётганлари) компенсация тўловлари тўланганлигини тасдиқловчи ҳужжат тақдим этилганда йиллик техник кўрикдан ўтказилади.
Ушбу чора-тадбирлар сув объектларида туризм хизматларини жадал ривожлантириш, шунингдек, фуқароларнинг ҳаёти, соғлиғи ва хавфсизлигини таъминлаш, сув ресурслари ифлосланишининг олдини олиш ва улардан оқилона фойдаланишга кўмаклашишга қаратилган.
Добавьте Vzglyad.uz в предпочтительные источники Google. Это бесплатно и занимает 5 секунд, а для нас — лучшая поддержка и мотивация работать ещё лучше.