O‘zbekistonda yangi o‘quv yilida talabalarni sirtqi ta’lim shakliga qabul qilish to‘xtatiladi. Bu haqda prezident farmonida aytilgan.
2025/2026-o‘quv yilidan boshlab bunday arizalarni qabul qilish to‘xtatiladi, biroq kunduzgi ta’limdan tashqari boshqa muqobil ta’lim shakllari uchun kvotalar bosqichma-bosqich oshiriladi. Bunda bunday shakllar bo‘yicha umumiy qabul kunduzgi ta’lim shakliga qabulning 50 foizidan oshmasligi kerak. Talabalarni belgilangan me’yordan ortiq qabul qilish litsenziya talablari va shartlarini qo‘pol ravishda buzish deb hisoblanadi hamda oliy ta’lim muassasasi litsenziyasini bekor qilishga asos bo‘ladi.
Shuningdek, bunday shakllarda magistraturada ilmiy-pedagogik kadrlar tayyorlash mumkin bo‘ladi. OTMlarga muqobil ta’lim doirasida kredit-modul tizimiga asoslangan optimallashtirilgan kunduzgi ta’lim (part-time education) shaklida o‘qitishni tashkil etishga ruxsat beriladi. Idoraviy mansubligi va tashkiliy-huquqiy shaklidan qat’i nazar, har bir ta’lim tashkilotida umumiy shtatlar soni doirasida mazkur qaror ijrosi uchun mas’ul bo‘lgan ta’lim sifatini nazorat qilish bo‘yicha ixtisoslashtirilgan bo‘linmalar tashkil etiladi.
