8-may kuni O‘zbekistonda issiq ob-havo bo‘lishi kutilmoqda, faqat Qoraqalpog‘istonda va Toshkentda yog‘ingarchilik bo‘ladi. Bu haqda O‘zgidromet prognozida ma’lum qilingan.
Shamol sharqdan 7-12 m/s tezlikda esadi, ba’zi joylarda 13-18 m/s gacha kuchayishi, ayrim joylarda chang-to‘zonlar bilan kuzatilishi mumkin. Harorat kechasi 15-25°, kunduzi 28-37° bo‘ladi.
Toshkentda havo biroz bulutli, vaqti-vaqti bilan o‘zgaruvchan bo‘ladi. Kechga tomon qisqa muddatli yomg‘ir yog‘ishi va momaqaldiroq bo‘lishi ehtimoli bor. Sharqiy shamol g‘arbiy yo‘nalishga o‘tib, 3–8 m/s tezlikda esadi, 12–15 m/s gacha kuchayishi mumkin. Harorat kechasi 21–23°, kunduzi 33–35° bo‘ladi.
Tog‘li hududlarda yog‘ingarchilik kutilmaydi. Sharqiy shamol g‘arbiy yo‘nalishga o‘tib, 7–12 m/s tezlikda esadi, ayrim joylarda 13–18 m/s gacha kuchayishi mumkin. Harorat kechasi 12–17°, kunduzi 20–25° bo‘ladi.
