O‘zbekiston, Qozog‘iston va Qirg‘iziston energetika obyektlarining ish rejimi va Sirdaryo suvini taqsimlash tartibi to‘g‘risida kelishib oldi. Bu haqda Kazinform nashri xabar bermoqda.
Toshkentda mamlakatlarning energetika va suv resurslariga mas’ul vazirlari uchrashuvi bo‘lib o‘tdi, uning natijasida Sirdaryo havzasida yoz mavsumida suv-energetika rejimi to‘g‘risidagi protokol imzolanishiga erishildi.
Tadbir Markaziy Osiyo suv resurslaridan muvozanatli foydalanish va energiya tizimlarining barqaror ishlashini ta’minlashga qaratilgan mamlakatlar hamkorligi doirasidagi muhim qadam bo‘ldi. Yozgi davrda suv rejimlarini muhokama qilish va muvofiqlashtirish hozirgi gidrologik vaziyatni va mamlakatlarning suv va energiya resurslariga bo‘lgan ehtiyojlarini hisobga olishga yordam beradi.
Qozog‘iston energetika vaziri Yerlan Akkenjenov uch tomonlama maslahatlashuvlar va protokol tomonlarga umumiy resurslarni boshqarishga tizimli yondashishga yordam berishini, izchil birgalikdagi ishlarning natijasi ekanligini va barcha ishtirokchi mamlakatlar manfaatlarini ta’minlashga qaratilganligini ta’kidladi.
Shuningdek, tomonlar uzoq muddatli strategik loyihalarni muhokama qildilar. Xususan, O‘zbekiston, Qozog‘iston va Qirg‘iziston hamon Qambarota GES-1 qurilishi loyihasi, shuningdek, Ozarbayjon, Qozog‘iston va O‘zbekiston ishtirokida Kaspiy energetika yo‘lagini yaratish loyihasini muhokama qilish bosqichida.
