O‘zbekistonda ish haqi, pensiyalar, stipendiyalar va nafaqalar oshiriladi. Bu haqda prezident farmonida aytilgan.
2025-yil 1-iyuldan boshlab pensiya va nafaqalar, shuningdek, bolalar nafaqalari va kam ta’minlangan oilalarga moddiy yordam to‘lovlari miqdori 10 foizga oshiriladi. Bunda farmon quyidagilarni belgilaydi:
- yoshga doir pensiyaning eng kam miqdori – oyiga 918 000 so‘m;
- nogironlik pensiyalarining eng kam miqdori – oyiga 1 012 000 so‘m;
- kam ta’minlangan oilalar uchun moddiy yordamning oylik miqdori – 420 000 so‘m.
Shuningdek, kam ta’minlangan oilalarga beriladigan bolalar nafaqasining oylik miqdori ham oshiriladi:
- 360 000 so‘m – 3 yoshgacha bo‘lgan bitta kichik farzandi uchun;
- 3 yoshdan 18 yoshgacha bo‘lgan bir nafar bola uchun – 275 000 so‘m;
- 165 000 so‘m – oiladagi ikkinchi farzand uchun qo‘shimcha;
- 110 000 so‘m – oilaning uchinchi va undan keyingi har bir farzandi uchun.
2025 yil 1 avgustdan byudjet tashkilotlari xodimlarining ish haqi va stipendiyalar miqdori 10 foizga oshiriladi. Shuningdek, bazaviy miqdorlar oshiriladi. Farmon bo‘yicha:
- 2025-yil 1-iyuldan boshlab pensiyani hisoblashning bazaviy miqdori – oyiga 471 000 so‘m;
- 2025-yil 1-avgustdan mehnatga haq to‘lashning eng kam miqdori – oyiga 1 271 000 so‘m;
- 1 avgustdan boshlab bazaviy hisoblash miqdori – 412 000 so‘m.
Byudjet tashkilotlari xodimlarining ish haqi, pensiyalar, stipendiyalar va nafaqalar miqdorini oshirish bilan bog‘liq xarajatlar Davlat byudjeti hamda Iqtisodiyot va moliya vazirligi huzuridagi byudjetdan tashqari Pensiya jamg‘armasi mablag‘lari hisobidan qoplanadi.
