Afg‘oniston poytaxti Kobul suvsiz qolgan dunyodagi birinchi megapolis bo‘lishi mumkin. The Guardian xalqaro nodavlat tashkilot Mercy Corps hisobotiga tayanib yozmoqda.
Mutaxassislarning fikricha, shaharga suv inqirozi tahdid solmoqda, bu 7 million kishining hayotiga ta’sir qilishi mumkin. Shahardagi quduqlarning yarmi qurib qolgan. Hozirgi vaqtda suv olish zaxiralarning tabiiy tiklanishidan yiliga 44 mln kub metrga ortiqdir. Agar vaziyat o‘zgarmasa, Kobulning barcha suvli gorizontlari 2030-yilga borib tugaydi.
Suvning ifloslanishi bilan bog‘liq muammo ham ajralib turadi. Kobuldagi yer osti suvlarining qariyb 80 foizi oqava suvlar, tuzlar va mishyak tufayli ichish uchun yaroqsiz. Ko‘plab oilalar daromadining uchdan bir qismigacha toza suv sotib olishga sarflaydi. Shahar aholisining uchdan ikki qismi o‘zini suv bilan ta’minlash uchun allaqachon qarzga botgan. Ba’zi xususiy kompaniyalar faol ravishda yangi quduqlar qazib, yer osti suvlarini qazib oladilar, so‘ngra ularni shahar aholisiga yuqori narxlarda sotadi.
Jahon hamjamiyati halokatli oqibatlarning oldini olish uchun vaziyatga aralashishga va inqirozni to‘xtatishga chaqirdi.
