2024-yilda dunyoda hech bo‘lmaganda bir tomoni davlat bo‘lgan urush va mojarolar soni yangi cho‘qqiga chiqdi. Bu haqda DW nashri Oslodagi Tinchlik tadqiqotlari instituti tadqiqotiga tayanib yozmoqda.
36 ta davlatda 61 ta mojaro yuz berdi — bu Ikkinchi jahon urushi tugaganidan keyingi har qanday yilga nisbatan ko‘proq. 2022-yilda 56 ta, 2023-yilda 59 ta mojaro sodir bo‘lgan.
O‘tgan yili 61 ta davlatlararo mojarolar qatorida 11 ta keng ko‘lamli urushlar ham bo‘lgan. 2024-yilda ikkita urush hukmronlik qildi: Rossiyaning Ukrainaga bostirib kirishi 76 mingga yaqin odamning hayotiga zomin bo‘ldi, G‘azo sektoridagi urush esa 26 ming kishining hayotiga zomin bo‘ldi.
Qayd etilishicha, mojarolar oqibatida halok bo‘lganlar soni 2023 va 2024 yillarda taxminan bir xil – 129 ming kishi atrofida bo‘lgan. Biroq, zo‘ravonlik darajasi so‘nggi o‘ttiz yillikdagi o‘rtacha ko‘rsatkichdan ancha yuqori edi.
Shu bilan birga, so‘nggi bir yil ichida nodavlat mojarolar soni kamaydi: 2023-yildagi 80 tadan 2025-yilda 74 tagacha.
