Ijtimoiy tarmoqlarda Samarqand viloyati Urgut tumani hokimi “ekin ekishni istamagan” fermerlarning yerlari chet el fuqarolariga berilishini aytgan video paydo bo‘ldi. Qishloq xo‘jaligi vazirligi bu holatga izoh berib, bunday gaplar qonunchilikka zid ekanini ma’lum qildi.
“Fermer xo‘jaligi to‘g‘risida”gi qonunga ko‘ra, fermerlar davlat organlari yoki mansabdor shaxslarning aralashuvisiz yerni ijaraga olish va o‘z faoliyatini amalga oshirish huquqiga ega.
Yer uchastkasini ijaraga berish shartnomasini muddatidan oldin bekor qilish faqat taraflarning o‘zaro kelishuviga ko‘ra yoki Yer kodeksida ko‘rsatilganidek, sudning qaroriga asosan amalga oshirilishi mumkin.
Mamlakatdagi barcha yerlar davlat mulki bo‘lib, ularni chet el fuqarolari yoki kompaniyalariga mulk qilib berish qonun bilan taqiqlangan.
Yerni chet el fuqarolariga berish mumkinligi to‘g‘risidagi arizalar haqiqatga to‘g‘ri kelmaydi, yuridik kuchga ega emas va idoraning rasmiy pozitsiyasini aks ettirmaydi. Bildirilgan fikr dalili bo‘yicha huquqiy baho beriladi.
Fermerlar o‘z huquqlarini bilishi, agarda noqonuniy aralashuv bo‘lsa, Qishloq xo‘jaligi vazirligi yoki prokuratura organlariga murojaat qilishi so‘raldi.
