O‘zbekistonda fuqarolarning shikoyatlaridan so‘ng tanlab olingan 2800 ta avtobus bekati tekshirildi. Raqobatni rivojlantirish va iste’molchilar huquqlarini himoya qilish qo‘mitasi ularning ko‘pchiligida qonunbuzilish holatlarini aniqladi.
Yo‘lovchilar standart bo‘yicha bo‘lishi kerak bo‘lgan asosiy qulayliklarning yo‘qligidan norozilik bildirishdi. Tekshiruv quyidagi kamchiliklarni tasdiqladi:
- 286 ta holatda bekat yo‘lovchilari issiq va sovuq havodan himoyalanmagan, chunki bekatlarning uch tomoni to‘siqlar bilan to‘silmagan;
- 57 ta holatda yomg‘irli, qorli va shamolli kunlarda yo‘lovchilar yashirinishi mumkin bo‘lgan pavilon mavjud emas;
- 255 ta holatda avtobus yo‘nalishlari raqamlari mavjud emas;
- 156 ta holatda bekat nomi yozilgan ko‘rsatkich bo‘lmasa;
- 412 ta holatda yoritish tizimi mavjud emas;
- 210 ta holatda kutish joylarida savdo shoxobchalari joylashtirilgan;
- 387 ta holatda panduslar mavjud emas.
Qonunga ko‘ra, bekatlar ularga xavfsiz va qulay yondashuvni hisobga olgan holda joylashtirilishi va jihozlanishi kerak. Asfaltlangan maydonchalar, kirish uchun asfaltlangan yo‘laklar, soyabonlar, panduslar, ko‘rsatkichlar va yoritish moslamalari bo‘lishi talab etiladi. Savdo nuqtalarini kutish joylari ichida joylashtirish taqiqlanadi.
O‘rganish yakunlari bo‘yicha Transport vazirligi, Qoraqalpog‘iston Vazirlar Kengashi va viloyatlar hokimliklariga standartlar buzilishini bartaraf etish va yo‘lovchilarga sharoit yaratish bo‘yicha topshiriqlar berildi.
