Xalqaro valyuta jamg‘armasi ekspertlari O‘zbekiston pensiya tizimi barqarorligini ta’minlash va pensiyalarning yetarli darajasini ta’minlash uchun isloh qilinishi kerakligini ta’kidladi. Bu haqda XVJ missiyasining mamlakatga tashrifi yakunlari bo‘yicha xulosasida aytiladi.
Tashkilotda ta’kidlanishicha, bunga past pensiya yoshini bosqichma-bosqich oshirish, pensiya badallarining standart stavkasini bosqichma-bosqich oshirish va ayrim turdagi tashkilotlar uchun imtiyozli stavkalarni bekor qilish, pensiyalarni butun mehnat faoliyati uchun o‘rtacha ish haqi asosida hisoblash va narxlarning o‘zgarishi asosida pensiyalarni avtomatik indeksatsiya qilishni joriy etish orqali erishish mumkin.
XVJning qayd etishicha, keksalikda kambag‘allikni qisqartirishga yo‘naltirilgan har qanday ijtimoiy nafaqalar qat’iy manzilli bo‘lishi kerak. Ular bir-birini takrorlamaslik uchun byudjetdan moliyalashtirilishi va boshqa ijtimoiy qo‘llab-quvvatlash choralari bilan bog‘liq holda boshqarilishi kerak.
2024-yil dekabr oyida O‘zbekistonda pensiya islohoti bo‘yicha seminar bo‘lib o‘tdi, uning doirasida konseptual hujjat tayyorlash boshlandi. Uni joriy yilning sentyabr oyiga qadar prezidentga taqdim etish rejalashtirilgan.
