O‘zbekistonda 2025/2026 o‘quv yili uchun xorijiy va nodavlat oliy ta’lim muassasalaridan talabalarni respublika davlat oliy ta’lim muassasalariga ko‘chirish bo‘yicha maxsus imtihonlarda ishtirok etish uchun o‘tish ballari tasdiqlandi. Bu haqda Oliy ta’lim vazirligi matbuot xizmati xabar berdi.
Ballar tizimiga oliy ta’lim muassasalari kiradigan vazirlik va idoralarning takliflari asosida shakllantirildi. 2025/2026 o‘quv yilida o‘qishni ko‘chirish uchun eng yuqori o‘tish ballari «Huquq» ta’lim yo‘nalishiga – 165 ball, shuningdek, «Sog‘liqni saqlash» ta’lim yo‘nalishiga – 129 ball etib belgilandi.
Veterinariya bo‘yicha o‘tish ballari eng past bo‘ldi – 60 ball, qishloq, o‘rmon va baliq xo‘jaligi bo‘yicha – 70 ball.
2025/2026 o‘quv yili uchun xorijiy va nodavlat oliy ta’lim tashkilotlari talabalari o‘qishini ko‘chirish bo‘yicha o‘tish ballari:
- Ta’lim – 94;
- San’at – 93;
- Gumanitar fanlar (tillardan tashqari) – 94;
- Tillar – 94;
- Ijtimoiy fanlar – 105;
- Jurnalistika va axborot – 105;
- Biznes va boshqaruv – 105;
- Huquq – 165;
- Biologiya va turdosh fanlar – 80;
- Atrof-muhit – 94;
- Fizika va tabiiy fanlar – 75;
- Matematika va statistika – 94;
- Axborot-kommunikatsiya texnologiyalari – 94;
- Muhandislik ishi – 75;
- Ishlab chiqarish va qayta ishlash – 75;
- Arxitektura va qurilish – 75;
- Qishloq xo‘jaligi – 70;
- O‘rmon xo‘jaligi – 70;
- Baliqchilik xo‘jaligi – 70;
- Veterinariya – 60;
- Sog‘liqni saqlash – 129;
- Ijtimoiy ta’minot – 94;
- Xizmat ko‘rsatish sohasi – 80;
- Mehnat gigiyenasi va muhofazasi – 70;
- Transport xizmatlari – 104.
Eslatib o‘tamiz, 15 iyuldan boshlab xorijiy va xususiy oliy ta’lim muassasalaridan talabalarni davlat oliy ta’lim muassasalariga o‘qishini ko‘chirish bo‘yicha arizalar qabuli boshlandi. Arizalar 5-avgustgacha qabul qilinadi.
