Jennifer Lopesning Toshkentdagi konserti munosabati bilan “Toshshahartransxizmat” kompaniyasi tomonidan tashrif buyuruvchilar uchun maxsus bepul avtobus qatnovlari tashkil etildi. Bu haqda poytaxt hokimligi matbuot xizmati xabar bermoqda.
Avtobuslar quyidagi manzillardan jo‘naydi:
- Tashkent City Mall savdo-ko‘ngilochar markazi oldidagi maydoncha;
- Hyatt Regency mehmonxonasi oldidagi maydoncha;
- Humo Arena muz saroyi oldidagi maydoncha.
Harakatlanish soat 16:00 dan boshlanadi, avtobuslar uzluksiz va bepul harakatlanadi. Avtobuslarning old oynasida “Bunyodkor stadioni” deb yozib qo‘yiladi.
“Konsert tugagandan so‘ng avtobuslar sizni yana o‘sha manzillarga olib boradi. Yaxshi oqshom va yoqimli konsert!” — deya ma’lum qildi Toshkent shahar hokimligi.
Xonanda 7-avgust kuni soat 19:00 da “Bunyodkor” stadionida kuylaydi.
