O‘zbekiston TIV departamentining fuqarolik, legallashtirish va boshqa konsullik harakatlari boshqarmasi boshlig‘i Munira Nizomova boshqa davlatlardagi o‘zbekistonliklarga bo‘lgan munosabat bevosita ularning o‘z xatti-harakatlariga bog‘liqligini aytdi.
Uning so‘zlariga ko‘ra, agar chet eldagi fuqarolar o‘zlarini munosib tutmasalar, vazirlik, elchixona va konsulliklarning ishi salbiy qarashlarni o‘zgartira olmaydi.
Nizomova o‘zbekistonliklarning Rossiyadagi jinoyatlari bo‘yicha statistik ma’lumotlarni keltirdi: giyohvand moddalar savdosi va tashish bilan shug‘ullanganlar 60 foizga yaqin, jinsiy zo‘ravonlik uchun 12 foiz, qotillik uchun 7 foiz, og‘ir tan jarohati yetkazganlik uchun 5 foizga yaqin, o‘g‘irlik uchun 4 foiz, firibgarlik uchun 3 foiz.
Nizomovaning so‘zlariga ko‘ra, Rossiyada O‘zbekiston fuqarolari ishtirokidagi bir qator shov-shuvli jinoyatlardan so‘ng tekshiruvlar kuchaytirilgan — xususan, respublikadan parvozlar aeroportlarida nazorat 12 soatgacha davom etishi mumkin. Uning fikricha, bu bevosita xorijdagi fuqarolarning harakatlari natijasidir.
Toki fuqarolarimiz qonun-qoidalarga rioya qilishni, boshqa mamlakatlarning urf-odatlari va an’analarini hurmat qilishni o‘rganmas ekan, Tashqi ishlar vazirligi, elchixonalar, konsullik muassasalari faoliyati katta samara bermaydi, — deya tushuntirdi u.
