9-oktyabr kuni Davlat siyosati va boshqaruvi akademiyasida mahalliy ijro etuvchi hokimiyat organlari axborot xizmatlari rahbarlari uchun o‘quv-amaliy seminar boshlandi.
Unda Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari matbuot xizmatlari rahbarlari, shuningdek, kommunikatsiya sohasi mutaxassislari va ekspertlari ishtirok etmoqda.
Seminarni prezident matbuot kotibi Sherzod Shermatov ochib, davlat idoralari vakillarining ishida tezkorlik, tahliliylik va kreativlik yetishmayotganini ta’kidladi.
Ommaviy axborot vositalari bilan doimiy hamkorlik, ularning savollariga ochiqlik va o‘z vaqtida javob berishga tayyorlik birinchi darajali vazifaga aylanishi, faol va tashabbuskor bo‘lishi, o‘z bilim va ko‘nikmalarini doimiy ravishda oshirib borishi, mas’uliyat va professionallik ko‘rsatishi, zamonaviy texnologiyalarga tayanib va ommaviy axborot vositalari bilan yaqin hamkorlikda ishlashi kerak, — Sherzod Asadov.
Seminar davomida matbuot kotiblari muloqot qilish, ommaviy axborot vositalari bilan o‘zaro hamkorlik qilish, feyklar va axborot tahdidlariga qarshi turish, inqirozli aloqalarni o‘rnatish bo‘yicha ko‘nikmalarini oshiradilar. Shuningdek, mutasaddilar o‘z faoliyatida sun’iy intellektdan foydalanish imkoniyatlari bilan tanishadi.
