Toshkent xalqaro aeroportining uchib kelish zalida E-Gate avtomatlashtirilgan pasport nazorati tizimi ishga tushirildi. Bu haqda Uzbekistan Airports matbuot xizmati xabar bermoqda.
Yangi hudud O‘zbekiston fuqarolari uchun mo‘ljallangan sakkizta elektron yo‘lak bilan jihozlangan. Yo‘lovchi biometrik pasportni o‘quvchiga yopishtirishi va yuzni tanish protsedurasidan o‘tishi kifoya — shaxs tasdiqlangandan so‘ng turniket avtomatik ravishda ochiladi. Butun jarayon taxminan 15-20 soniya davom etadi.
E-Gate tizimi birinchi marta 2023-yilda Toshkent aeroportida — xalqaro terminalning uchib ketish zalida joriy etilgan. Yangi uchastkani hisobga olgan holda poytaxt havo bandargohida avtomatlashtirilgan o‘tkazish liniyalarining umumiy soni 20 taga yetdi.
E-Gate texnologiyasining joriy etilishi pasport nazoratidan o‘tish vaqtini sezilarli darajada qisqartirish, nazorat punktlarining o‘tkazuvchanlik qobiliyatini oshirish va yo‘lovchilar uchun qo‘shimcha qulaylikni ta’minlash imkonini beradi, — deyiladi xabarda.
