O‘zbekiston hududi bo‘yicha sovuq antitsiklon ta’siri kamida 5-dekabrgacha saqlanib turadi. 29-noyabrdan uning ta’siri kuchayadi: havo bosimi ko‘tariladi, harorat pasayadi. Kechalari sovuq va kunduz kunlari biroz iliq bo‘lishi, ertalab antitsiklonik ob-havoning barqarorligiga xos tuman tushishi kutilmoqda.
Ob-havo kuzatuvlariga ko‘ra, yaqin 10 kun ichida mamlakatda yuqori bosimli hudud saqlanib qoladi. Avvalroq inversiya hodisalari 29-noyabrgacha davom etishi ma’lum qilingandi, biroq yangi sinoptik hisob-kitoblar barqaror antitsiklon sharoitida inversiya uzoqroq davom etishini ko‘rsatmoqda.
Bunday sharoitda chang, tutun va mayda muallaq zarrachalar (PM) to‘planishi mumkin, bu esa havo sifatini yomonlashtirishi, shuningdek, quyuq tumanlar hosil bo‘lishiga olib kelishi mumkin.
Qayd etilishicha, infografikalardagi 28-noyabrdan keyingi ma’lumotlar prognoz ko‘rinishida.
