Toshkent transport tizimi yangi o‘quv yilining boshlanishini muvaffaqiyatli uddaladi

Yangi o‘quv yilining birinchi kunida Toshkent ko‘chalarida avtomobillar soni odatdagi ish kuniga nisbatan qariyb 30 foizga ko‘p bo‘ldi. Taqqoslash uchun 24 avgustdagi ma’lumotlar olingan, deya xabar berdi Yo‘l harakatini tashkil etish markazi.

Trafik hajmi oshganiga qaramay, markaz yo‘llarning o‘rtacha yuklanganlik darajasini 6 ball darajasida ushlab qoldi. Ayrim joylarda harakat sekinlashgan bo‘lsa-da, jiddiy tirbandliklar yuzaga kelmadi.

Bunda real vaqt rejimida transport oqimlarini boshqargan Vaziyatlar markazi muhim rol o‘ynadi. Tahlilchilar ertalabki, kunduzgi va kechki tig‘iz vaqtlarda asosiy magistrallar hamda maktablar yaqinidagi yo‘l qismlarini uzluksiz kuzatib bordi. Bu tirbandliklar qo‘shni ko‘chalarni ham harakatdan to‘sib qo‘yishidan oldin avtomobillar to‘planishini aniqlash imkonini berdi.

Navbat yuzaga kelganida mutaxassislar vaziyatni baholab, tezkor choralar ko‘rdi:

• yuklama yuqori bo‘lgan yo‘nalishlarda svetoforning yashil chirog‘i yonish vaqtini uzaytirishdi;
• qo‘shni svetoforlarning ishlash fazalarini o‘zgartirish va sinxronlashtirishdi;
• tirbandlik navbati keyingi chorrahalarni to‘sib qo‘ymasligi uchun transport oqimini sun’iy ravishda ushlab turishdi.

Agar tirbandlikka YTH, yo‘lda buzilib qolgan avtomobil, yo‘l ishlari yoki noto‘g‘ri to‘xtash sabab bo‘lgan bo‘lsa, ma’lumotlar darhol Yo‘l harakati xavfsizligi boshqarmasiga yuborildi. Inspektorlar joyiga chiqib, harakatni qo‘lda tartibga solish, yo‘l qatnov qismini tozalash va aylanma yo‘lni tashkil etish ishlarini amalga oshirdi. Avariya va kommunal xizmatlar ham tezkor ravishda jarayonga jalb qilindi.

Yo‘llar uchun asosiy sinov hali oldinda

Markaz ma’lumotlariga ko‘ra, 2 sentyabr kuni o‘qish faqat maktablar va kollejlarda boshlandi. Transport tizimiga to‘liq yuklama oliy ta’lim muassasalarida o‘quv jarayoni boshlanishi bilan kutilmoqda. Bu jarayon ikki bosqichda amalga oshiriladi:

• 7 sentyabr — birinchi bosqich talabalari o‘qishga chiqadi;
• 14 sentyabr — ikkinchi bosqich va undan yuqori kurs talabalari qo‘shiladi.

Vaziyatni Toshkentdagi barcha oliy ta’lim muassasalarida birinchi smena qat’iy ravishda soat 08:00 da boshlanishi ham murakkablashtiradi. Bu avtomobil yo‘llari va jamoat transportiga tushadigan yuklamaning keskin oshishiga olib keladi.

Shu sababli markaz yo‘l harakati holatining yomonlashishiga hozirdanoq tayyorgarlik ko‘rmoqda va monitoringni kuchaytirilgan r