Kiyevda 2018-yilning fevralidan 2024-yilning yanvarigacha bo‘lgan davrda 11 ta qotillik va bitta qotillikka suiqasd sodir etgan O‘zbekiston fuqarosi umrbod qamoq jazosiga hukm qilindi. Bu haqda shahar prokuraturasi matbuot xizmati xabar berdi.
Erkak 3 nafar ayol va 8 nafar erkakni o‘ldirgan, yana bir jabrlanuvchini o‘ldirmoqchi bo‘lgan, biroq jinoyatni oxiriga yetkaza olmagan. U 2024-yil yanvar oyida Kiyevning Goloseyev tumanidagi gul do‘koniga xaridor sifatida kirib, sotuvchi ayolga 30 dan ortiq o‘limga olib keladigan pichoq zarbalari berganidan keyin qo‘lga olingan. Qotillikdan so‘ng u marhumaning oltin taqinchoqlarini olib, qochib ketgan, biroq keyinroq qo‘lga olingan.
So‘roq paytida u qotillikni tan oldi va shunga o‘xshash jinoyatlar haqida batafsil ma’lumot berdi. Uning qurbonlari asosan u tanishgan uysizlar edi. Ular bilan spirtli ichimlik ichib, keyin o‘ldirgan. Halok bo‘lganlarning jasadlari o‘limning aniq holatlari va sabablarini aniqlash juda qiyin bo‘lgan vaqtdan keyin topilgan.
Ayblanuvchi o‘zining har bir qurbonini eslab qolgani uchun jazoni yengillashtirishga umid qildi. Sud erkakni aybdor deb topdi va imkon qadar maksimal jazo – umrbod qamoq jazosini tayinladi. Hozirda u hibsda saqlanmoqda.
