Янгиликлар

O‘zbekistonda “Telekommunikatsiyalar to‘g‘risida”gi yangi qonun tasdiqlandi

Hujjat telekommunikatsiya sohasini nazorat qilish uchun mustaqil regulyatorni joriy qiladi va biznes uchun qoidalarni soddalashtiradi. Endi provayderlar infratuzilmadan birgalikda foydalanishlari mumkin bo‘ladi, binolarni qurishda esa telekommunikatsiya tarmoqlarini joylashtirishni hisobga olishlari shart.

03.01.2025, 18:22

Wanderlust: O‘zbekiston 2025-yil uchun eng yaxshi sayyohlik yo‘nalishlaridan biri

Britaniyaning sayohatlar jurnali (Wanderlust) O‘zbekistonni 2025-yilda tashrif buyurish uchun eng jozibador joylar ro‘yxatiga kiritdi. Sayyohlarga Samarqand, Buxoro va Xivaning tarixiy merosini o‘rganish, mahalliy aholining mehmondo‘stligini baholash tavsiya etiladi.

03.01.2025, 18:10

Apple millionlab foydalanuvchilarga Siri’ni tinglashdan shikoyat qilgani uchun kompensatsiya to‘laydi

Apple $95 mln ajratib, jamoaviy da’voni hal qilishga rozi bo‘ldi. Foydalanuvchilarning ta’kidlashicha, Apple qurilmalari ularning suhbatlarini yozib olgan va ma’lumotlarni reklama beruvchilarga uzatgan. Kompaniya aybni tan olmadi, ammo zararni qoplashga tayyor.

03.01.2025, 18:00

Shavkat Mirziyoyev Yangi Orleandagi terakt qurbonlari munosabati bilan AQSH prezidentiga hamdardlik bildirdi

Shavkat Mirziyoyev Yangi Orleanda sodir etilgan terrorchilik harakati oqibatida ko‘plab insonlar qurbon bo‘lgani munosabati bilan AQSH prezidenti Jo Baydenga hamdardlik bildirdi. 2025-yil 1-yanvarga o‘tar kechasi Yangi Orleanda avtomobil shahar markazida Yangi yilni nishonlayotganlar orasiga bostirib kirgandi.

03.01.2025, 17:26

Dam olish kunlari yomg‘ir va qor yog‘ishi kutilmoqda

O‘zbekiston hududining katta qismida yog‘ingarchilik kutilmaydi, faqat ayrim joylarda yomg‘ir yog‘adi, qorga aylanishi mumkin. Harorat kechasi 0...-5, kunduzi +4...+8, qor yog‘ganda +1...+3 daraja bo‘ladi.

03.01.2025, 17:08

Alisher Usmonovning boyligi 6,34 mlrd dollarga qisqardi

Rossiyaning 25 nafar eng boy fuqarosining umumiy boyligi 347,62 mlrd dollarga yetdi, bu mamlakat yalpi ichki mahsulotining 15,8 foizini tashkil qiladi. Vladimir Lisin boyligining o‘sishi bo‘yicha yetakchi bo‘ldi va uni 5,05 mlrd dollarga oshirdi, Alisher Usmonov esa eng katta yo‘qotishlarga uchradi — 6,34 mlrd dollar.

03.01.2025, 16:10

Keniyada samodan kosmik raketa parchasi tushdi

30-dekabr kuni Keniya aholisi kamdan-kam uchraydigan kosmik hodisa - kosmik raketaning qulab tushgan parchasi guvohi bo‘ldi. Og‘irligi yarim tonnaga yaqin bo‘lgan metall halqa Keniyaning Mukuku qishlog‘iga kelib tushdi. Dastlabki ma’lumotlarga ko‘ra, bu tashuvchi raketaning bir qismi bo‘lib, atmosferada yonishi kerak edi.

03.01.2025, 15:15

O‘zbekistonda jinoyatlarni tergov qilishda kriptoaktivlarni olib qo‘yish va saqlash tartibi tasdiqlandi

O‘zbekistonda jinoyatlarni tergov qilishda kriptoaktivlarni olib qo‘yish va saqlashning yangi qoidalari tasdiqlandi. Yo‘riqnoma raqamli dalillar bilan ishlash, shu jumladan, axborot tashuvchilarni ko‘zdan kechirish va olib qo‘yilgan aktivlarni tergov organlarining maxsus hisob raqamlariga o‘tkazish tartibini belgilaydi.

03.01.2025, 15:12

O‘zbekistonda 2028-yilgacha QQS va foyda solig‘i oshirilmaydi

O‘zbekistonda 2028-yil 1-yanvarga qadar foyda solig‘i va qo‘shilgan qiymat solig‘i (QQS) stavkalari oshirilmaydi.

03.01.2025, 14:10

O‘zbekistonda elektromobillarni zaryadlash tariflarini o’zgarishi mumkin

O‘zbekiston Energetika vazirligi elektromobillarni zaryadlash uchun elektr energiyasi narxi kun vaqtiga bog‘liq bo‘ladigan loyihani taqdim etdi.

03.01.2025, 13:11

Bir qator tovarlarni bojsiz import qilish yana bir yilga uzaytirildi

Baliq, banan, qahva, qandolatchilik mahsulotlari, alkogolsiz ichimliklar va boshqa 60 turdagi mahsulotlarni bojsiz olib kirish tartibi 2026-yil 1-yanvarga qadar uzaytirildi. Biroq parranda go‘shti importiga berilgan imtiyozlar uzaytirilmadi.

03.01.2025, 11:34

Buxoroda 12 yoshli maktab o‘quvchisi homilador bo‘ldi

Buxoro viloyatida 12 yoshli qiz homilador bo‘ldi. U 4 oylik muddat bilan perinatal markazga yotqizilgan. Bolalar ombudsmani jinoyat ishi qo‘zg‘atilganini ma’lum qildi. Tergov ishlari olib borilmoqda.

03.01.2025, 11:32

Toshkentda hojatxona qog‘ozi bilan xavfli tryuk qilgan bloger Jasjan jarimaga tortildi

Ijtimoiy tarmoqlarda avtomobil bir tog‘ hojatxona qog‘ozini ag‘darib yuborgani va undan bloger sakrab tushgani aks etgan video tarqaldi. Hayot uchun xavfli nayrangni bajarib, rolikni suratga olgach, erkak har tarafga sochilib ketgan qog‘oz massasini olib ketmadi. Holat Ekologiya vazirligi va YHXB mutaxassislari tomonidan o‘rganildi.

03.01.2025, 10:45

Sardor Umurzakov prezident huzuridagi muvofiqlashtiruvchi kengashga rahbarlik qiladi

Mirziyoyev muvofiqlashtiruvchi kengash tuzish to‘g‘risidagi qarorni imzoladi, unga Sardor Umurzakov boshchilik qiladi. Kengash tarkibida xavfsizlik, ijtimoiy qurilish, ijtimoiy-iqtisodiy rivojlanish, tashqi siyosat va boshqa masalalar bo‘yicha ishchi guruhlar bo‘ladi.

03.01.2025, 09:47

Toshkent jamoat transportida endi naqd pul olinmaydi: QR-chiptalar bo‘yicha yo‘riqnoma

2025-yil 1-yanvardan boshlab Toshkent shahrida yer usti jamoat transportida yo‘lkira haqini naqd pul bilan to‘lash to‘xtatildi va QR-kodli bir martalik chiptalar muomalaga kiritildi. Tashtrans.uz bu qanday chiptalar ekani, ularni qanday sotib olish va ulardan foydalanish bo‘yicha eng ko‘p uchraydigan savollarga javoblar bilan qisqacha yo‘riqnoma tayyorladi.

03.01.2025, 08:45

Salqin va yog‘ingarchiliksiz: 3-yanvar kungi ob-havo

3-yanvar kuni O‘zbekistonda yog‘ingarchiliksiz sovuq ob-havo bo‘lishi kutilmoqda. Kechasi va ertalab Toshkentda tuman tushishi mumkin.

03.01.2025, 06:09

O‘zbekistonda ichki va tashqi siyosat bo‘yicha takliflarni shakllantirish kengashi tuziladi

O‘zbekistonda Tahliliy va tadqiqot tuzilmalari bo‘yicha muvofiqlashtiruvchi kengash tuziladi. Uning asosiy vazifasi prezidentga mamlakat ichki va tashqi siyosati bo‘yicha takliflarni muntazam ravishda taqdim etib borishdan iborat.

02.01.2025, 20:52

Bo‘stonliq tumanida 12-yanvargacha harakat bir tomonlama bo‘ladi

31-dekabrdan 12-yanvarga qadar Toshkent viloyatining Bo‘stonliq tumanidagi dam olish maskanlari — Amirsoy, Bildirsoy va Chimyonda transport harakati bir tomonlama tashkil etildi.

02.01.2025, 18:54

Rossiyada chet el fuqarolarining bo‘lish muddatini qisqartirish to‘g‘risidagi qonun kuchga kirdi

2025-yil 1-yanvardan boshlab chet el fuqarolarining Rossiyada vizasiz bo‘lish muddati qisqartirildi — endi u ilgarigi 180 kun o‘rniga yiliga 90 kundan oshmaydi. Mamlakatda bo‘lgan chet elliklar uni tark etishi yoki 2025-yil 30-aprelga qadar o‘z huquqiy maqomini tartibga solishi kerak.

02.01.2025, 16:49

Toshkentda erkak zapravkadagi tanqiddan keyin 15 sutkaga qamaldi

Toshkentda metan zapravkasida videotasvir suratga olgan erkak mayda bezorilik uchun 15 sutkaga ma’muriy qamoq jazosiga hukm qilindi. Bundan tashqari, erkakdan 843 ming so‘m undirilgan.

02.01.2025, 14:30

“O‘zbekko‘mir” 2024-yilda ko‘mir qazib olishni rekord darajadagi 6,7 mln tonnaga oshirdi

2024-yilda “O‘zbekko‘mir” rekord ko‘rsatkich — 6,7 mln tonna ko‘mir qazib olishga erishdi va ishlab chiqarishni o‘tgan yilga nisbatan 15 foizga oshirdi. “Angren” va “Apartak” konlari asosiy hissa bo‘lib, mos ravishda 5,5 mln va 1,2 mln tonnadan ortiq qazib olishdi.

02.01.2025, 12:31

2025-yilning birinchi kunida O‘zbekistonda 1641 nafar chaqaloq, jumladan, 50 nafar egizak tug‘ildi

O‘zbekiston SSV 2025-yil 1-yanvar kuni 796 nafar o‘g‘il bola va 845 nafar qiz bola dunyoga kelganini ma’lum qildi. Chaqaloqlar orasida 22 juft egizak va bitta uch egizak bor. Chaqaloqlar soni bo‘yicha Farg‘ona viloyati yetakchi bo‘ldi, u yerda 244 nafar chaqaloq ro‘yxatga olingan.

02.01.2025, 10:36

Marhum jurnalistning singlisi prezident va Saida Mirziyoyevaga murojaat qildi

2024-yil sentyabr oyida vafot etgan Dunyo bo‘ylab telekanali jurnalistining singlisi O‘zbekiston prezidenti va Saida Mirziyoyevaga uzoq davom etgan tergovga aralashishni so‘rab murojaat qildi. Uning ta’kidlashicha, opasi vafot etgan “Doktor Servis” klinikasi nufuzli futbolchi Server Jeparovga tegishli.

31.12.2024, 12:08

Saida Mirziyoyeva falastinlik bolalar holidan xabar oldi

Saida Mirziyoyeva Yangi yil arafasida O‘zbekistonda davolanayotgan falastinlik bolalarga prezidentning tilaklari va sovg‘alarni yetkazdi.

31.12.2024, 10:21

Afg‘onistonda uylarni oynalarda ayollar ko‘rinmaydigan qilib loyihalashtirish majburiyati yuklandi

Afg‘onistonda turar-joy binolarining derazalarini qo‘shnilar va yo‘lovchilar uydagi ayollarni ko‘ra olmaydigan qilib loyihalashtirish buyurildi. Tegishli farmonni “Tolibon” yetakchisi Haybatulloh Oxunzoda imzoladi.

30.12.2024, 20:28

Musulmonlar idorasi to‘ylar va ziyoratchilarni kutib olish marosimlari dabdabali bo‘lib ketayotganini tanqid qildi

O‘zbekiston musulmonlari idorasi to‘y, ma’raka va oilaviy tantanalar uchun haddan tashqari ko‘p mablag‘ sarflanayotganini tanqid qildi. Muftiy islom dini isrofgarchilikni qoralashini eslatdi. U musulmonlarni tantanalarni sipolik bilan o‘tkazishga, mablag‘larni muhtojlarga yordamga yo‘naltirishga chaqirdi.

30.12.2024, 19:22

Tergov davomida kriptaktivlarni musodara qilish va hisobga olish tartibi tasdiqlandi

Adliya vazirligi kriptoaktivlarni olib qo‘yish, saqlash va o‘tkazish tartibini belgilovchi yo‘riqnomani tasdiqladi. Yangi tartib ulardan dalil sifatida foydalanish, zararni qoplash uchun xatlash va musodara qilishni nazarda tutadi.

30.12.2024, 17:15

Umumiy ovqatlanish uchun yangi soliq imtiyozlari joriy etiladi

2025-yil 1-yanvardan umumiy ovqatlanish korxonalari, mehmonxona biznesi va turoperatorlar uchun yangi soliq imtiyozlari joriy etiladi.

30.12.2024, 14:55

Janubiy Koreya prezidenti isyon va hokimiyatni suiiste’mol qilishda ayblanib hibsga olinishi mumkin

Yun Sok Yol hibsga olish uchun ariza berilgan mamlakatning birinchi amaldagi rahbari bo‘ldi. Tergovchilar uni qonunga xilof ravishda harbiy holat joriy etganlikda va parlamentda ovoz berishni buzishga uringanlikda ayblamoqda. Sud organlari prezidentning bir nechta chaqiruv qog‘ozlarini e’tiborsiz qoldirganidan keyin ishni ko‘rib chiqmoqda.

30.12.2024, 13:30

Ota-ona qaramog‘idan mahrum bo‘lgan 15 nafar bola Rossiyadan O‘zbekistonga qaytarildi

Rossiyada ota-onasisiz qolgan 15 nafar bola O‘zbekistonga qaytarildi. Repatriatsiyani O‘zbekistonning Moskvadagi elchixonasi, O‘zbekiston prezidenti huzuridagi Ijtimoiy himoya milliy agentligi va boshqa davlat muassasalari tashkil etdi.

30.12.2024, 12:20