Қайд этилишича, қутқарилганлар вертолётда Афғонистон пойтахтига етказилган.
Тирик қолган Falcon 10 экипаж аъзоларининг саломатлиги яхши, Афғонистон Авиация ва Мудофаа вазирлиги шифокорлари уларга биринчи тиббий ёрдам кўрсатган.
Аввалроқ Федерал ҳаво транспорти агентлиги маълум қилганидек, Falcon 10 20 январь куни кечқурун Афғонистоннинг Тожикистон билан чегараси яқинида алоқани тўхтатди ва радар экранларидан ғойиб бўлганди. Самолёт Ҳиндистонга ёнилғи қуйиш учун қўнган, шунингдек, Ўзбекистонга ҳам қўниши керак эди, бироқ Falcon 10 радарлардан ғойиб бўлган. Falcon 10 учувчиси радардан ғойиб бўлишидан олдин иккала двигатель ҳам ишламай қолганини маълум қилган.
Россия Тергов қўмитаси ҳодисадан сўнг ҳаво транспортида хавфсизлик ва фойдаланиш қоидаларини бузганлик учун жиноий иш қўзғатди.
21 январь куни кечқурун Афғонистонда Falcon 10 ҳалокатида тўрт киши тирик қолгани маълум бўлди, бу ҳақда Федерал ҳаво транспорти агентлиги Россиянинг Афғонистондаги элчихонасига таяниб маълум қилди ва буни Транспорт ва авиация вазирлиги тасдиқлади. Улар қидирув-қутқарув ишлари натижасида топилган. Омон қолганларнинг турли тан жароҳатлари борлиги аниқланган.
