Маълумотларга кўра, 24 январь куни маҳаллий вақт билан соат 01:05 да ичида катта миқдорда газ бўлган 60 тоннали юк машинасида портлаш содир бўлган. Портлаш оқибатида яқин атрофда бўлган икки фуқаро ва уч нафар фавқулодда хизмат ходими ҳалок бўлган. Шунингдек, 20 дан ортиқ автомобиль ёниб кетган.
Қайд этилишича, портлаш вақтида юк машинаси 30-40 метрга учиб кетган. Оловнинг тез тарқалиши туфайли аввалига яқин атрофдаги бир нечта автомобиль ва турар-жой биноси ёниб кетган. Фавқулодда хизматлар уй аҳолисини тезда эвакуация қилган.
Юк машинаси ҳайдовчисининг айтишича, портлаш бошқа автомобиль билан тўқнашув оқибатида содир бўлган бўлиши мумкин.
