Буюк Британия UNRWA ходимларининг 7 октябрь куни Исроилга уюштирилган ҳужумга алоқадорлиги ҳақидаги даъволардан даҳшатга тушди. Ҳукумат бир неча бор қоралаган жирканч террорчилик ҳаракати, — дейилади Британия Ташқи ишлар вазирлиги баёнотида.
Ҳукумат UNRWAʼга қарши айбловларни кўриб чиқаётгани сабабли молиялаштириш тўхтатилди.
Канада Халқаро тараққиёт вазири Аҳмад Ҳуссейн мамлакат Исроилга қилинган ҳужумни «шак-шубҳасиз қоралайди» ва UNRWA ходимлари билан боғлиқ айбловлардан «чуқур хавотирда» эканини ёзди.
Австралия ташқи ишлар вазири Пенни Вонг унинг мамлакати «ўз терговларида UNRWA билан яқиндан ҳамкорлик қилишини» айтди. Бир неча кун олдин, BBC таъкидлаганидек, у «можаролардан жабр кўрган» аҳолини қўллаб-қувватлаш учун 21,5 миллион доллар, шу жумладан UNRWA учун 6 миллион доллар ваъда қилган.
Мамлакат ташқи ишлар вазири Антонио Тажани Италия молиялаштириш тўхтатилганини эълон қилиб, иттифоқчилар «яқинда худди шундай қарорга келганини» қўшимча қилди. BBC ёзганидек, Европа Иттифоқи кейинги қадамларни «тўлиқ ва кенг қамровли тергов натижаларига кўра» баҳолашини айтди.
Финляндия ҳам молиялаштиришни тўхтатган давлатлар қаторига қўшилди.
Агентлик ходимларининг 7 октябрда Исроилда содир этилган терактларга алоқадорлиги жуда ташвишли, — деб ёзган мамлакат ташқи савдо ва ривожланиш вазири Вилле Тавио.
Исроил ташқи ишлар вазири İсраэл Катс мамлакатларнинг молиялаштиришни тўхтатиш ҳақидаги қарорларини олқишлади. Биз йиллар давомида огоҳлантириб келяпмиз: UNRWA қочқинлар муаммосини давом эттирмоқда, тинчликка путур етказмоқда ва Ғазо секторидаги ҲАМАСнинг фуқаролик қўли бўлиб хизмат қилмоқда. Унинг сўзларига кўра, вазирлик UNRWAʼнинг Ғазо секторидаги фаолиятини тўхтатишга ҳаракат қилади.
ҲАМАС эса ўз навбатида «шантажга берилмасликка» чақирди.
Биз БМТ ва халқаро ташкилотлардан Исроил томонидан таҳдид ва шантажларга берилмасликни сўраймиз, — деди ҳаракат матбуот хизмати.
