Финляндияда янги президент сайланди

Стубб президентлик сайловларининг иккинчи босқичида ғалаба қозонди. 100% овозлар санаб бўлингандан кейин у 51,6% тўплагани маълум бўлди. Яшиллар партияси томонидан қўллаб-қувватланган собиқ ташқи ишлар вазири Пекка Ҳаависто 48,4% овоз олган.

«Янги давр бошланмоқда. Мен Финляндия яқин бир неча йил ичида дунёдаги энг яхши давлат бўлиб қолишига қатъий ишонаман», — деди Стубб.

Президентлик сайловининг иккинчи босқичида Финляндия учун тарихан паст бўлган — мамлакат фуқароларининг 70,7 фоизи қатнашган. Биринчи турда сайловчиларнинг 75 фоизи иштирок этди. Инаугурация 1 мартга белгиланган.