Ўзбекистон терма жамоаси спортчиси Илья Сибирцев Қатардаги жаҳон чемпионатидаги иштирокини якунлади. 800 метр масофага эркин усулда сузишда сузувчи 7:53,87 натижа кўрсатди. Бу ушбу масофада Ўзбекистон учун янги рекорд ҳисобланади. Бироқ бу финалга чиқиш учун этарли бўлмади ва Сибирцев жаҳон чемпионатидаги иштирокини якунлади.
Шунингдек, 11 февраль куни у 400 метрга эркин усулда сузишда (3:50,9) рекорд ўрнатишга муваффақ бўлди.
16 февраль куни Ўзбекистоннинг яна бир вакили Элдорбек Усмонов 100 метрга баттерфлай усулида сузиш баҳсларида иштирок этади.
Илья Сибирцев 22 ёшда, бунгача спортчи Россиянинг Волгоград шаҳрида машқ қилган. У 2019 йилги ўсмирлар ўртасидаги жаҳон чемпионатининг кумуш (800 м эркин усулда) ва бронза (1500 м эркин) медали соҳиби, Европа чемпионатида (800 м эркин усулда) ғолиб бўлган.
2023 йил ноябрида Сибирцевга спорт фуқаролигини ўзгартириш рад этилган, бироқ 2024 йил 18 январь ҳолатига кўра, Халқаро сузиш федерациясининг расмий сайтидаги спортчи профилида у ўзбек спортчиси сифатида кўрсатилган.
