30-Халқаро Осиё кинофестивалида Яқин ва Ўрта Шарқ, Марказий, Жанубий ва Жануби-Шарқий Осиё давлатларидан 100 дан ортиқ бадиий ва ҳужжатли фильмлар намойиш этилди.
Ёш ўзбек режиссёри Шокир Холиқовнинг «Якшанба» бадиий фильми кинофестиваль ҳакамлар ҳайъатида самимий қизиқиш уйғотди. График композиция ва деталлаштириш санъати, жамиятни модернизация қилиш билан юзма-юз келган кекса қишлоқ эр-хотиннинг кундалик ҳаётини режиссёрнинг шеърий тасвирлаш қобилиятига юксак баҳо бериб, халқаро кинотанқидчилар ҳайъати фильмни мукофотлашга қарор қилди.
Фильм иккита мукофотга сазовор бўлди — Томошабинлар мукофоти ва Халқаро кино танқиди мукофоти.
Эътибор беринг, фильм авлодлар тўқнашуви ҳақида ҳикоя қилади. Кекса эр-хотин қишлоқдаги уйида оддий ҳаёт кечиради. Уларнинг катта фермаси бор: қўй суруви, сабзавот боғи ва катта ҳовлиси. Кексалар аждодларимиз технологияси асосида қўй жунидан ишлаб чиқарган гиламларни сотиш орқали қўшимча даромад олади. Эр-хотиннинг икки фарзанди бор: каттаси улардан узоқда, кенжаси эса чет элда яшайди.
Кекса эр-хотин консерватив, ҳар бир уй-рўзғор буюмлари улар учун азиздир. Бироқ болалар кекса одамларнинг ҳаётини замонавийлаштиришга ҳаракат қилмоқда. Кенжа ўғил ўз ватанига қайтиб, турмуш қурмоқчи, лекин бир шарти бўлсада, эски тахта уйни бузиб, ғиштдан уй қуришга рухсат берилса. Катта ўғил кексаларга ғамхўрлик қилиб, янги гаджетлар, маиший техникалар билан уларнинг ҳаётини яхшилашга ҳаракат қилади. Аммо ота-оналар атрофдаги кескин ўзгаришларни хоҳламай, қаршилик кўрсатишади...
Қайд этиш жоизки, таниқли киношунос Антон Долин «Якшанба»ни «Марказий Осиё ёш режиссёрлари томонидан суратга олинган бешта янги қизиқарли фильмлар» рўйхатига киритган эди. Танқидчининг сўзларига кўра, Холиқов «оила ғояси жимгина йўқ бўлиб кетадиган кексаларнинг ўтмишига ўтиш йилномасини оғриқли қайғу билан тўлдиради».
