Аниқланишича, бошқарма декоратив ўсимликлар қаламчалари кўчатларининг 1 донасини «GULLAR VA LANDSHAFT» МЧЖдан 698,700,000 сўмдан, «NASIRDINOVA MUXAYYOXON ODILJON QIZI»дан 698,650,000 сўмдан, «TAXIROV ABDULVOXID VASILOVICH»дан 598,700,000 сўмдан сотиб олган.
«Давлат бюджетида тақчиллик юзага келганда, бюджет ҳисобидан 2 млрд сўмга учта кўчат сотиб олишнинг мантиғи нима? Ёки рақамлар нотўғри?» — дея жаҳли чиқди экология вазири маслаҳатчиси Расул Кушербaев.
Депутатнинг айтишича, Андижон шаҳарсозлик бошқармаси томонидан 2023 йилда экилган манзарали ва игнабаргли дарахтлар тўғрисидаги маълумотлардан атиги 99 миллион 855 минг сўмлик кўчатлар экилгани кўриниб турибди.
«Афсуски, Андижон шаҳар ободонлаштириш бошқармаси томонидан 2023 йилда экилган манзарали ва игнабаргли дарахтлар тўғрисидаги маълумотларда манзарали ўсимликнинг юқоридаги қаламчалари кўчатлари ҳақида маълумот йўқ», — деди Жиянов.
