«Ҳеч ким ҳеч қачон бундай пулга дарахт сотиб олмайди, ҳамма Худодан қўрқади. Бунинг учун қонун ва жазо бор. 700 млн сўмлик дарахтни сотиб олишга ҳеч кимнинг ҳақи йўқ», — деди ҳоким.
Андижон вилояти ҳокими ободонлаштириш бошқармаси томонидан давлат харидларининг электрон тизими орқали манзарали ва игнабаргли дарахтлар, шунингдек, мавсумий гуллар сотиб олиш учун очиқ танлов эълон қилинганини тушунтирди.
Якка тартибдаги тадбиркор «Тоҳиров Абдулвоҳид» ҳамда шартнома тузилган «Гуллар ландшафт» МЧЖ томонидан 1 млрд 996 млн сўмлик 5 минг 235 туп манзарали ва игнабаргли дарахтлар, шунингдек, мавсумий гуллар етказиб берилган.
