Ўзбекистонда газ қуйиш шохобчаларидаги чекловлар босқичма-босқич бекор қилинади

Аввалроқ Энергетика вазирлиги магистраль газ қувурларида босимнинг пасайишига олиб келган кескин совуқ муносабати билан газ қуйиш шохобчалари фаолиятига чекловлар жорий этиш чораларини кўрган эди.

Энергетика вазирлиги 22 февралдан бошлаб бутун мамлакат бўйлаб ёқилғи қуйиш шохобчалари фаолиятига қўйилган чекловлар босқичма-босқич олиб ташланишини маълум қилди.

«Бугундан бошлаб маҳаллий ҳокимликлар билан келишилган режа ва жадваллар асосида мамлакатимиздаги барча метан газ қуйиш шохобчалари фаолиятига қўйилган чекловлар босқичма-босқич олиб ташланмоқда», — дейилади хабарда.

АГТКШ ёнилғи қуйиш шохобчаларининг ишлаш жадваллари ҳақида маълумот кейинроқ берилади.