Маълумотларга кўра, фуқаро М. ер участкасига эга бўлмаган иккита — «Arkenstone» ва «VescoCottage» корхонасини ташкил қилган. Бироқ бу унинг ижтимоий тармоқларда Олмазор, Юнусобод ва Яшнобод туманларидаги ерларни кўрсатиб, Тошкент шаҳрида коттежлар қурилиши ҳақидаги эълонларни жойлаштиришига тўсқинлик қилмади.
Фуқаро М. ва унинг шериклари 2022-2023 йилларда 125 млн сўмлик дастлабки бадал сифатида 27 млрд сўмга яқин маблағ йиғган. Шунингдек, улар хориждаги валюта ҳисоб рақамлари орқали даромадларни ювиб, 1,4 млн доллар ўтказган. Халқаро серверлардаги шахсий аккаунтлардан 222 минг долларга яқин топилган. Ҳозирда ушбу маблағлар криптоактивлар кўринишида Бош прокуратура департаменти ҳамёнларига олиб қўйилмоқда.
Айни пайтда 7,8 млрд сўмлик операциялар тўхтатилган. Мазкур ҳолат юзасидан Жиноят кодексининг 168-моддаси (Фирибгарлик) ва 243-моддаси (Жиноий фаолиятдан олинган даромадларни легаллаштириш) билан жиноят иши қўзғатилган.
