Albedoʼнинг айтишича, сунъий йўлдошда юзни таниш дастури бўлмайди, лекин у одамларнинг суратларини олиш ёки уларнинг шахсий ҳаётини ҳимоя қилишдан ўзини тиймайди.
Albedo ҳукуматга АҚШ миллий хавфсизлигига потенциал таҳдидларни кузатишда ёрдам бериш учун АҚШ Ҳарбий-ҳаво кучлари ва Миллий аэрокосмик разведка маркази билан иккита алоҳида миллион долларлик шартнома имзолади.
Ўтган ой компания ўзининг жуда паст орбитали (VLEO) сунъий йўлдошини тижоратлаштириш учун 35 миллион доллар йиғди ва 2022 йил центябр ойида йиғган 48 миллион долларга қўшди.
Albedo асосчиларидан бири Топфер Хаддаднинг айтишича, у ва унинг жамоаси охир-оқибат 24 та космик кемага эга бўлишга умид қилмоқда.
«Бу осмондаги улкан камера бўлиб, ҳар қандай ҳукумат биздан хабарсиз исталган вақтда фойдаланиши мумкин», деди Женнифер Линч, Electronics Frontier Foundation бош маслаҳатчиси New York Times газетасига.
Гарвард астрофизики Жонатан К. Макдоуэлл қўшимча қилди: «Бу бизни Катта ака томонидан кузатилаётган дунёга бир қадам яқинлаштиради».
Albedo 2020 йилда ташкил этилган ва кейинги йили Трамп маъмуриятининг 2018 йилда фуқаролик сунъий йўлдошларидан фойдаланишга рухсат берувчи ҳукумат қоидаларини юмшатиш ҳаракатлари натижасида юзага келган яқин масофадан туриб суратга олиш технологиясидан фойдаланган ҳолда сунъий йўлдошларини қуришни бошлаган.
Ўша пайтдаги президент Доналд Трaмп орбитал қолдиқлар билан ишлаш бўйича АҚШ стандарт амалиётларини янгилади ва сунъий йўлдошни лойиҳалаш ва ишлатиш бўйича янги кўрсатмалар ишлаб чиқди.
Океан ва атмосфера тадқиқотлари миллий бошқармасининг (NOAA) аввалги қоидаларига кўра, 30 сантиметрдан кам масофани кўра оладиган сунъий йўлдошни қуриш ноқонуний эди – бу масофада у фақат автомобиллар ва уйларни аниқлай олади, лекин алоҳида одамларни эмас.
Бироқ Трампнинг янги директивасига кўра, сунъий йўлдошларга фазодаги ўлчами тахминан 10 сантиметр бўлган объектларни кузатишга рухсат берилади, бу эса Ҳарбий ҳаво кучларининг объектларни каталоглаш қобилиятини яхшилайди.
Аксарият сунъий йўлдошлар Ердан 160 км дан 2000 км гача бўлган орбитада бўлиб, ҳозирда уларнинг барчаси диаметри тахминан 30 сантиметр бўлган жисмларни аниқлай олади, деб ёзади Daily Mail.
Бу масофада сунъий йўлдошлар фақат кўча белгилари ва самолёт қуйруқ рақамлари каби нарсаларни кўришлари мумкин, аммо Albedo янада яқинроқ бўлишни мақсад қилади.
Компания сунъий йўлдошлари инсон сочининг 1/1000 ўлчамига қадар сайқалланган телескоп ойналари ёрдамида диаметри атиги 10 сантиметр бўлган тасвирларни яратади.
Тасвирларнинг кичикроқ сантиметр ўлчами тасвирлар пикселли бўлмаслигини билдиради, бу эса сунъий йўлдошдан фойдаланаётганларга объектлар, жойлар ва одамларни аниқроқ кўриш имконини беради.
