Хоразм вилоятида фермер 3 млрд 374 млн сўмлик газдан ноқонуний фойдаланди, деб хабар бермоқда «Ўзэнергоинспекцияси» ахборот хизмати.
Урганч туманида жойлашган фермер хўжалиги ўзига қарашли бинода яширин йўллар билан қўшимча тармоқ тортиб, табиий газдан ноқонуний равишда фойдаланиб келаётганлиги маълум бўлди.
Дастлабки ҳисоб-китобларга кўра, давлат манфаатларига етказилган зарар миқдори 3 млрд 374 млн сўм (2 млн 249 минг кубометр табиий газ)ни ташкил этган.
Қоидабузар истеъмолчига нисбатан белгиланган тартибда чора кўриш учун тегишли ҳужжатлар расмийлаштирилиб, ҳуқуқни муҳофаза қилувчи органларга тақдим этилди.
