«Telegramʼдаги трансляция каналлари ойига 1 триллион кўришни келтириб чиқаради. Ҳозирда бу кўришларнинг атиги 10 фоизи Telegramʼдаги реклама орқали монетизация қилинмоқда. Март ойида Telegram реклама платформаси деярли юзга яқин янги мамлакатлардаги барча реклама берувчилар учун расман очилади. Бу мамлакатлардаги канал эгалари Telegram ўз каналларида реклама кўрсатишдан оладиган ҳар қандай даромаднинг 50 фоизини олишни бошлайди», — деб ёзди Дуров.
Шунингдек, у тўловларнинг тезлиги ва хавфсизлигини таъминлаш ва реклама учун маблағларни ечиб олиш учун фақат ТОН блокчейнидан фойдаланишини қўшимча қилди.
«Fragmentʼдаги Telegram фойдаланувчи номларига бўлган ёндашувимизга ўхшаб, биз Toncoinʼда реклама сотамиз ва даромадни канал эгалари билан баҳам кўрамиз. Бу контент яратувчилари ўзларининг тонкоинларини нақд қилиши ёки уларни ўз каналларини тарғиб қилиш ва модернизация қилишга қайта сармоя киритиши мумкин бўлган яхши доирани яратади», — дея хулоса қилди Дуров.
