Нашр маълумотларига кўра, Душанбе ва мамлакатнинг бир қатор вилоятларида тахминан соат 11:10 да электр таъминоти ўчиб қолган.
Пойтахтда ҳам иситиш тизими ўчирилди, ичимлик суви таъминоти тўхтатилди, уяли алоқа ва интернет ишламади.
«Узилишлар фақат Бўхтага таъсир қилмади. Маҳаллий гидроэлектр станциялари орқали электр энергияси билан таъминланган Тоғли Бадахшон автоном вилоятида етказиб бериш тўхтамади», — дейилади нашр хабарида.
Республика Фавқулодда вазиятлар ва фуқаро мудофааси қўмитаси матбуот хизмати Нурек ГЭСида ортиқча юкланиш оқибатида шаҳар электр тармоқларида авария содир бўлганини маълум қилди.
Расмийлар ёруғлик ўчирилиши ҳақида ҳеч қандай изоҳ бермади. Душанбеда электр таъминоти узилишдан уч соат ўтиб қайта тикланди.
