Ўзбекистондаги Tashkent City Mall савдо-кўнгилочар мажмуаси президент Шавкат Мирзиёев ташрифи муносабати билан ёпилади. Бу ҳақда Взгляд.uz манбаси хабар берди.
6 мартдан савдо-кўнгилочар мажмуаси ўз ишини нормал режимда давом эттиради.
Аввалроқ савдо маркази матбуот хизмати 5 март куни соат 16:00 дан Tashkent City Mall техник сабабларга кўра ёпилиши ҳақида хабар берган эди.
29 февраль куни Тошкентда кутилаётган воқеа — Ўзбекистондаги энг йирик савдо-кўнгилочар мажмуа Tashkent City Mallʼнинг техник очилиши бўлиб ўтганди.
Эслатиб ўтамиз, Cinematica кинотеатридаги намойишлар ҳам бекор қилинган ва чипталар қайтарилиши белгиланган. Взгляд.uzʼга кинотеатрдан маълум қилишларича, эртага, 6 март куни Cинематиcа одатдагидек ишлайди.
Президент Шавкат Мирзиёев спорт таълими, савдо ва хизмат кўрсатиш соҳаларидаги янги замонавий иншоотларни бориб кўради.
Давлат раҳбари йўл ҳаракати хавфсизлиги соҳасида ишга туширилаётган янги марказга ҳам ташриф буюриб, у ерда экологик муаммолар ва тирбандликларни бартараф этиш бўйича таклифлар билан танишади.
