Бош прокуратура ҳузуридаги департаментнинг Бекобод шаҳар бўлими ходимлари ИИБ ходимлари билан ҳамкорликда ноқонуний равишда бензин сотаётган муқаддам судланган фуқарони қўлга олди, деб хабар бермоқда департамент матбуот хизмати.
Эркак 2000 литр АИ-91 бензинини 22 миллион сўм ва 100 долларга сотаётган вақтида ушланган.
Текширув давомида маълум бўлишича, қўлга олинган шахс ушбу бензинни «Г.Г.» МЧЖга тегишли ёқилғи қуйиш шохобчасидан харид қилган. «Isuzu» русумли юк машинасида келиб, ўнта 200 литрлик идишга бензин қуйди.
Мазкур факт юзасидан терговга қадар текширув ишлари олиб борилмоқда.
