Маълумотларга кўра, воқеа 4 март куни тахминан соат 15:40 да 4-сонли умумтаълим мактабида содир бўлган. Муассаса қўриқчиси 45 ёшли эркакни мактабга киритмаган, шундан сўнг у шовқин кўтариб, кўйлаги остидан болта чиқариб олган.
Воқеа ҳақида хабар олган Миллий гвардия хавфсизлик бошқармаси 8 дақиқа ичида мактабга тезкор жавоб гуруҳини юборди.
«Бошланғич синф ўқитувчиси бўлиб ишлайдиган рафиқамнинг олдига у билан суҳбатлашиш учун келдим. Ўтин ёришдан олдин болтани чархлаш учун уни ўзим билан олгандим», — деди қўлга олинган шахс.
Эркак туман тиббиёт бўлимига олиб борилган, сўнгра маст ҳолатда бўлган шахсларга тиббий ёрдам кўрсатиш марказига жойлаштирилган.
Ҳодиса юзасидан туман ИИБ томонидан суриштирув ишлари олиб борилмоқда.
