Тошкент метрополитени ерусти ҳалқа линиясининг янги «Турон» (13-бекати) ва «Қипчоқ» (14-бекати) бекати 11 мартдан йўловчилар учун очилади ва одатдаги жадвал асосида йўловчиларга хизмат кўрсатишни бошлайди. Бу ҳақда метрополитен матбуот хизмати хабар бермоқда.
Ушбу станциялар 2023 йил декабридан тест режимида ишламоқда. Метро, шунингдек, яқинда электр депосига 24 та метро вагонлари келтирилди.
«Бугун Тошкентга яна 12 та метро вагонлари етиб келди. Шунингдек, май ойи охиригача яна 20 та замонавий метро вагонларини олиб кириш режалаштирилган», — дейилади хабарда.
