Кортеж Горкий боғидаги митинг билан якунланди. Сўзга чиққанлар орасида собиқ турмуш ўртоғи бурни ва қулоғини кесиб ташлаган Асел Ноғўйбоева ҳам бор эди. Аёл суд ва полициядан оиладаги зўравонликка кўз юммасликни сўраган.
«Менинг ҳикоям Қирғизистондаги юз минглаб оилавий зўравонлик ҳолатларидан биридир. Бу бузилган ҳаёт ва тақдир ҳақида ҳикоя. Зўравонликнинг барча кўринишларининг олди олинмас экан, жамиятда ривожланиш бўлмайди», — деди у.
