ИИВ aхборот хизмати раҳбари 16 март куни Бухоро вилояти ички ишлар органларининг 2 нафар ходими наркотик моддалар савдоси билан шуғуллангани аниқланиб, ҳамкорликда ўтказилган тезкор тадбир давомида жиноий иш билан қўлга олингани ҳақида хабар берди.
Айни пайтда вазият юзасидан Ўзбекистон Республикаси Жиноят кодексининг 25-моддаси (Жиноятга тайёргарлик кўриш ва жиноят содир этишга суиқасд қилиш), 273-моддаси (Гиёвандлик воситалари, уларнинг аналоглари ёки психотроп моддаларни ўтказиш мақсадини кўзлаб қонунга хилоф равишда тайёрлаш, олиш, сақлаш ва бошқа ҳаракатлар қилиш, шунингдек уларни қонунга хилоф равишда ўтказиш) билан жиноят иши қўзғатилган. Тергов ҳаракатлари давом этмоқда.
