«Аввало, болаларнинг аҳволини текшириб, амбулаторияга олиб бордик, юрак уришини текширдик. Иккала эгизак ҳам соғ-саломат... Милиция ходимлари етиб келиб, вазиятни тартибга солишди. Бизнингча, болаларнинг онаси шу ҳудудда истиқомат қилади ва у бу ерда поликлиника борлигини билиши мумкин», — дейди хусусий клиника раҳбари Бахриддин Дониёров.
Самарқанд вилояти болалар кўп тармоқли тиббиёт маркази бош шифокори ўринбосари Дилшод Раҳмоновнинг айтишича, ҳозирда эгизакларнинг аҳволи яхши, улар тўлиқ назорат ва парваришда. Болаларни ташлаб кетган аёлнинг шахси ҳозирча аниқланмаган.
