Найтнинг сўзларига кўра, суратга олиш ишлари сентябрь ойида бошланади. Мерфи аввалроқ агар сценарий уни қониқтирса, тимсолий ролга қайтишга тайёрлигини бир неча бор таъкидлаган.
«Мен ҳар доим айтганман, агар Найт яхши сценарий ёзса ва у буни қила олади, чунки у феноменал ижодкор, мен у фильмда қатнашаман. Агар биз 50 ёшли Томми Шелбини кўрмоқчи бўлсак, мен, албатта, у ерда бўламан», — дея таъкидлади актёр Irish Star нашрига берган интервьюсида.
«Шелбилар оиласи» сериали 2013 йилдан бошлаб эфирга узатилган ва олти фаслдан сўнг 2022 йил апрелида якунланган. Сага икки жаҳон уруши орасидаги даврда Шелби тўдаси ҳақида ҳикоя қилади. Ака-ука Шелбилар Биринчи жаҳон урушидан кейин Бирмингемга қайтиб, шаҳар аҳолиси ва ундан ташқарида обрў қозониш учун жиноий усуллар билан бир қаторда бизнес очишга ҳаракат қилишади. Сериал реал воқеаларга асосланган. Стивен Найт отасининг 1920 йиллардаги Бирмингем ҳаёти ҳикояларидан илҳомланиб, сценарий ёзган. Ўша пайтда ҳақиқатан ҳам Peaky Blinders деб номланган ёшлар гуруҳи бор эди.
