Америка телевидениеси ҳозирда кўприкнинг барча йўлаклари ёпилганини хабар қилди. Маҳаллий маъмурлар транспортни қўшни порт туннели орқали йўналтирди, йўловчилар муқобил равишда шаҳар маркази орқали йўлдан фойдаланади.
WTOP-FM радиостанциясига кўра, воқеа 26 март куни соат 16:30 атрофида содир бўлган. Кўприк таянчи билан тўқнашгандан сўнг юк кемаси ёниб кетган, кейин эса чўкиб кетган. Бундан ташқари, кўприкнинг қулаши оқибатида бир неча автомобиль Патапско дарёсига қулаган.
Ҳозирча қурбонлар ҳақида маълумот йўқ, аммо қутқарувчилар сувда бўлгани тахмин қилинаётган камида етти кишини қидирмоқда.
«Биз ҳозирда одамларни қутқаришга ҳаракат қилмоқдамиз», — деди Балтимор ўт ўчириш бошқармасининг алоқа бўлими бошлиғи Кевин Картрайт
Унинг сўзларига кўра, автоҳалокатда қанча одам жабрлангани ҳақида гапиришга ҳали эрта, лекин кўприкнинг қулашини «оммавий қурбонлар бўлган ҳодиса» деб таърифлаган.
Тўқнашув вақтида кўприкда бир нечта транспорт воситалари, жумладан битта трактор-тиркамаси бўлган.
Картрайтнинг сўзларига кўра, «кўприкда баъзи автомобиллар осилиб турган», бу қутқарувчиларни эҳтиёткорлик билан ишлашга мажбур қилган хавфли ва беқарор шароит туғдирган.
Балтимор мери Брандон М. Скотт кўприкнинг қулаши ҳақида изоҳ бериб, қутқарув ишлари давом этаётганини айтди.
«Менга кўприкдаги воқеа ҳақида хабар беришди. Мен Балтимор ўт ўчирувчилар бошлиғи билан суҳбатдаман. <…> Қутқарувчилар аллақачон воқеа жойида», — деди Скотт.
Фрэнсис Скотт Ки кўприги узунлиги тахминан 2,6 километрни ташкил этади ва Патапско дарёси бўйлаб ўтади. У Балтимор кўрфазининг ўтиш жойи ва 695-магистралга асосий боғловчи бўлиб хизмат қилади. У 1958 йилдан бери ишлайди.
