Мусулмон мамлакатларида Рамазон ойида тайёр овқатнинг ярми чиқиндига чиқарилади. Бошқа ойларга нисбатан чиқинди миқдори 25 фоизга ошган, деб ёзади Anadolu.
Маълумотларга кўра, ҳар йили дунё бўйлаб қарийб 1 трлн долларлик озиқ-овқат йўқолади ёки исроф қилинади, дунёда 1 млрд киши тўйиб овқатланмайди.
«Ҳар йили чиқиндихонага тушадиган озиқ-овқат 2 миллиардга яқин оч одамни боқиш учун етарли», — дейилади ҳисоботда.
Энг кўп ташлаб юборилган маҳсулотлар Саудия Арабистони (18 минг тонна) ва Малайзия – (19,2 минг тонна) ҳиссасига тўғри келади.
