Aliexpress эгаси Alibaba Group Хитойнинг Space Epoch ракета ишлаб чиқарувчиси билан бутун дунё бўйлаб бир соат ичида юкларни етказиб бера оладиган қайта ишлатиладиган ракеталарни ишлаб чиқиш устида ишламоқда, дея маълум қилди космик компания.
Space Epoch лойиҳанинг дастлабки босқичида эканини айтди. Тахминларга кўра, ракета 120 кубометрли контейнерда 10 тоннагача юкни ташишга қодир. Унинг асоси Space Epochʼдан олинган Yuanxing-1 ракетаси бўлиши керак. Ўтган йили компания ушбу ракета учун двигателни муваффақиятли синовдан ўтказди.
Space Epoch лойиҳани қисқа муддатда амалга ошириш осон бўлмаслигини таъкидлади.
