Россия Давлат думасининг халқаро алоқалар бўйича қўмитаси раиси ўринбосари Ирина Роднина Ўзбекистон, Қирғизистон ва Қозоғистонни Россияга расман дўст давлатлар деб атади.
Давлат Думасининг Халқаро алоқалар бўйича қўмитаси раисининг ўринбосари Ирина Роднина ялпи мажлисда бир қатор мамлакатларнинг банк ташкилотлари ва тўлов тизимлари АҚШ Ғазначилиги томонидан санкциялар киритилгач, «Мир» карталарига хизмат кўрсатишдан тўлиқ ёки қисман бош тортганини таъкидлади.
«Улар нафақат хорижий давлатлар, балки Россияга расман дўст бўлган Қирғизистон, Қозоғистон ва Ўзбекистонни ҳам ўз ичига олади», — деб таъкидлади парламент аъзоси ва Россия Федерацияси Марказий банки раҳбаридан унинг департаменти жавоб чораларини кўриб чиқяптими ёки йўқлигини сўради.
Марказий банк раиси Элвира Набиуллинанинг айтишича, Россия молия секторига нисбатан санкциялар тўхтамайди, балки аксинча кучайиб боради.
«Жавоб чораларига келсак, назарий жиҳатдан бу мумкин — чекловлар ҳам, тақиқлар ҳам. Лекин менимча, агар улар ўзларини конструктив тутмаса ва айрим муқобил механизмларни қабул қилиш устида ишламаса, муносабатларни охирги чора сифатида кўриш керак», — дея хулоса қилди Марказий банк раиси.
